5. Brief van de twee Nederlandsche vluchtelingen-kerken te Keulen (de Waalsche en de Nederduitsche) aan de Nederlandsche predikanten te Heidelberg, P. Dathenus, P. van Cuelen en Taffin, d.d. 18 Augustus 1571 (Uit de Werken der Marnix-Vereen., Serie III, Dl. V, blzz. 6 vg.).
Paix et salut par Christ.
Messieurs et freres treschers, Combien que nous soyons plus qu’asseurez du grand desir que vous avez que le Synode general se tienne, pour le tres grand prouffit qui en reviendra a leglise du Sr, nous vous avons bien voulu prier et inciter par la presente a y tenir la main tant que pourrez, a ceque ceste oevre tant prouffitable et necessaire ne demeure arriere pour les difficultez qui se presentent tant du lieu que dautres choses. Car nous ne doubtons point, que dautant que cest une oevre de grande importance et qui peult beaucoup pour restablir les Eglises dissipees, confirmer celles qui sont ja dressees, et couper breche a beaucoup de vices et corruptions, qui y ont lieu et y auroyent a l’advenir, que le Diable ne face tous ses efforts pour l’entre-rompre et empesscher. A laquelle ruse il est du tout necessaire d’obvier. Car nous entendons (a notre tres grand regret touttefoys) que Satan se vouldroit bien servir des freres Hollandois pour rompre ceste saincte entreprise; chose vrayement a deplorer.
Or daultant que cela est de mauaise grace et attirant avec soy une tres mauaise queue, nous avons trouve bon d’en advertir son Exce. et prier icelle dinterposer son authorite sous la charge de monsr. St. Aldegonde, afin que led. Synode estant authorise par sade. Exce., il puisse avoir plus de vertu et proffit, et nous semble que feriez tres bon sy avec nous vous luy en escrivies, Le suppliant de ne dilayer a envoyer incontinent audits Hollandois commandement expres de sy trouver.
En attendant vos responces, nous prierons le Donateur de tous biens de combler vos saincts et vertueulx desirs, a la ste. grace du quel nous vous recommandons, et nous aux votres. De Couloigne 18 de Aoust 1571.
|64|
Onder stondt geschreven:
Francoys le Clerc
Nicolas Moryan, Ancien de L’eglise Walon en Coulongne.
Et au nom de Leglise Flamengue audt. Cologne
Adriaen van Conincxloo et
Jan de Roye, Anciens.